BUU qarjy tapshylyǵyna baılanysty bitimgershilik kúshterin tórtten birge qysqartady

ASTANA. KAZINFORM - BUU qarjylandyrý máselelerine baılanysty dúnıe júzinde bitimgershilik operatsııalaryna jiberiletin áskerler men polıtsııa qyzmetkerleriniń sanyn shamamen 25%-ǵa qysqartýdy josparlap otyr, dep habarlady Reuters.

Qysqartý jalpy 50 myń bitimgershilik kúshiniń shamamen 13 000-14 000 personalyna áser etedi. Onyń ústine bıyl bitimgershilik mıssııasynyń bıýdjeti shamamen 15%-ǵa qysqarýy múmkin.

Basty sebep – bitimgershilik operatsııalarǵa eń iri donor AQSh-tyń qarjylandyrýyna qatysty belgisizdik. Ýashıńton bıýdjettiń 26%-dan astamyn, al Qytaı shamamen 24%-yn quraıdy. Sonymen qatar Qurama Shtattardyń BUU aldyndaǵy qaryzy 2,8 mıllıard dollardy qurap úlgerdi. Onyń 1,5 mıllıard dollary jańa qarjy jyly bastalǵanǵa deıin jınaqtalǵan. 

Agenttik derekkóziniń habarlaýynsha, amerıkalyq tarap shamamen 680 mıllıon dollar tóleýge ýáde etken, biraq qarajattyń merzimi áli anyqtalǵan joq.

Qazirgi ýaqytta Kongo Demokratııalyq Respýblıkasynda, Ortalyq Afrıka Respýblıkasynda, Ońtústik Sýdanda, Lıvanda, Kıprde jáne Kosovoda BUU bitimgershilik mıssııalary jumys isteıdi.

Buǵan deıin BUU qarýsyzdaný baǵytyndaǵy kelisimderdiń merzimin uzartýdy qoldaıtynyn habarlaǵan edik.