BUU Izraılden Gazaǵa gýmanıtarlyq kómek aparǵan flotılııa múshelerin bosatýdy talap etti
ASTANA. KAZINFORM – Birikken Ulttar Uıymy Izraılden Gaza sektoryna gýmanıtarlyq kómek jetkizýge baǵyttalǵan flotılııa músheleri — ıspanııalyq belsendi Saıf Abý Keshek pen Brazılııa azamaty Tıago Avılany dereý jáne shartsyz bosatýdy talap etti. Bul týraly Kazinform agenttiginiń menshikti tilshisi habarlady.
BUU-nyń Adam quqyqtary jónindegi Joǵarǵy komıssary basqarmasynyń ókili Tamın ál-Hıtannyń málimdeýinshe, atalǵan belsendiler halyqaralyq sýlarda ustalyp, keıin Izraılge jetkizilgen. Qazirgi ýaqytta olar aıyp taǵylmastan qamaýda otyr.
— Gaza turǵyndaryna asa qajet gýmanıtarlyq kómek jetkizýge talpynys pen yntymaqtastyq kórsetý qylmys bolyp sanalmaıdy, — delingen málimdemede.
#Israel must immediately release @gbsumudflotilla activists Saif Abukeshek & Thiago de Avila.
— UN Human Rights (@UNHumanRights) May 6, 2026
Disturbing accounts of severe mistreatment must be investigated.
Solidarity & aid delivery to Palestinians in #Gaza not a crime. #Flotillahttps://t.co/nPatRu7gcI pic.twitter.com/gxj0xtcZP1
Sonymen qatar, BUU ustalǵandarǵa qatysty «qatygez qarym-qatynas» týraly alańdatarlyq aqparattardy tekserýge jáne kinálilerdi jaýapkershilikke tartýǵa shaqyrdy.
Belsendilerdiń ókilderiniń málimetinshe, flotılııanyń eki múshesi altynshy kún qatarynan ashtyq jarııalap otyr. Buǵan deıin Adalah quqyq qorǵaý uıymy olardyń oqshaý jaǵdaıda ustalyp otyrǵanyn, kameradan shyǵarylǵan kezde, onyń ishinde medıtsınalyq rásimder barysynda da kózderi baılanatynyn habarlaǵan.
BUU sondaı-aq Izraıldiń «erkinen tys ustaý» tájirıbesin jáne keńinen túsindiriletin terrorızmge qarsy zańnamany synǵa aldy. Uıym bul sharalar halyqaralyq adam quqyqtary normalaryna qaıshy keledi dep esepteıdi.
Budan bólek, BUU Izraılden Gaza sektoryna qoıylǵan blokadany toqtatýdy jáne gýmanıtarlyq kómektiń jetkilikti kólemde kedergisiz jetkizilýin qamtamasyz etýdi talap etti.
Israel must immediately release the activists it has kidnapped in int'l waters. Persecuting those who oppose Apartheid is part of the crime of Apartheid.
— Francesca Albanese, UN Special Rapporteur oPt (@FranceskAlbs) May 3, 2026
Israel won't stop bullying killing and torturing people until it is forced to:
Boycott, Divest, Protest, Activate courts now. https://t.co/yvmXwDqrnt
Óz kezeginde Izraıl Syrtqy ister mınıstrligi qatygezdik týraly aıyptaýlardy joqqa shyǵaryp, áskerı kúshterdiń áreketi halyqaralyq quqyqqa sáıkes bolǵanyn jáne «zańdy teńiz blokadasyn» buzýǵa jol bermeýge baǵyttalǵanyn málimdedi.
Izraıl tarapynyń málimetinshe, Abý Keshek Izraıl men AQSh HAMAS-pen baılanysty dep sanaıtyn Popular Conference for Palestinians Abroad uıymymen baılanysty bolýy múmkin. Al Avıla zańsyz qyzmetke qatysy bar degen kúdikke ilingen.
Saif Abu Keshek, a leading member of the PCPA - an organization designated and sanctioned by the United States as a Hamas front - and Thiago Ávila, who operates with the PCPA and is suspected of illegal activity, have arrived in Israel. They will be transferred for questioning by…
— Israel Foreign Ministry (@IsraelMFA) May 2, 2026
Eske salsaq, Global Sumud Flotilla flotılııasy sáýir aıynyń sońynda Frantsııa, Ispanııa jáne Italııadan shyǵyp, Gaza sektoryna gýmanıtarlyq kómek jetkizý jáne Izraıl blokadasyn buzýǵa talpynys jasaý maqsatynda jolǵa shyqqan.
Sonymen qatar, Izraıl áskerı-teńiz kúshteri flotılııa quramyndaǵy 58 kemeniń 21-in toqtatyp, 175 qatysýshyny ustaǵan. Abý Keshek pen Avıladan basqa qatysýshylardyń barlyǵy keıin Grekııada bosatylǵan.
