BUU Izraıldi Gazany tolyq okkýpatsııalaýdy toqtatýǵa shaqyrdy

ASTANA. KAZINFORM – BUU Izraıldi Halyqaralyq sot qaýlysynyń talaptaryn saqtap, Gaza sektoryn odan ári okkýpatsııalaýdy toqtatýǵa shaqyrdy, dep habarlaıdy Anadoly.

Bul týraly BUU resmı ókiliniń orynbasary Farhan Hak apta saıyn ótetin baspasóz máslıhaty barysynda málim etti.

Jýrnalısterdiń Izraıl premer-mınıstri Bınıamın Netanıahýdyń Gazany tolyq okkýpatsııalaýǵa qatysty saýaldaryna jaýap bere otyryp, Hak ázirge tek boljam sanalatyn málimdemege qatysty pikir bildirýden bas tartty.

Soǵan qarmastan ol osyǵan deıin Halyqaralyq sottyń Izraıldi okkýpatsııamen baılanysty kez kelgen áreketti toqtatýǵa shaqyratyn sheshim shyǵarǵany týraly eskertti.

«Biz Izraıldi osy sheshimdi oryndaýǵa jáne odan ári okkýpatsııalaýdan bas tartýǵa shaqyramyz»,-dedi Hak.

Ol sonymen qatar BUU Bas hatshysy Antonıý Gýtterıshtiń birneshe márte sabyrlyq tanytyp, atysty toqtatýǵa shaqyrǵanyn eske saldy. Bas hatshy Gaza turǵyndarnyń 20 aıdan beri qınalyp jatqanyn jetkizgen.

Al okkýpatsııa BUU-nyń óńirdegi áreketine qalaı áser etedi degen saýalǵa Hak: «Biz Gazada eki jyldan beri jumys istep jatyrmyz, ondaǵy jantúrshigerlik jaǵdaıǵa qaramastan jumysty jalǵastyryp jatyrmyz»,-dep jaýap berdi.

Osyǵan deıin Birikken Ulttar Uıymynyń Gýmanıtarlyq máselelerdi úılestirý basqarmasynyń ókili Iens Lerke Gaza sektoryndaǵy jaǵdaıdyń asa aýyr ekenin aıtyp, mıllıondaǵan adamdy qutqarý úshin kún saıyn júzdegen gýmanıtarlyq kólik jiberilýi kerek ekenin málimdegeni týraly jazdyq.