BUU: Izraıl soqqylary saldarynan Gazada 282 myń úı qırady
ASTANA. KAZINFORM – Eki jyldan beri jalǵasyp kele jatqan Izraıl soqqylary saldarynan Gazada 282 myń úı qırady. Bul týraly BUU-nyń Taıaý Shyǵystaǵy Palestınalyq bosqyndarǵa kómek jáne jumystardy uıymdastyrý agenttigi (BAPOR) málim etti, dep habarlaıdy Anadoly.
AQSh-tyń H áleýmettik jelisindegi BAPOR paraqshasynda jarııalanǵan málimdemede Global Shelter Cluster gýmanıtarlyq tetiginiń, BUU Bosqyndar isi jónindegi joǵary komıssary basqarmasynyń jáne Qyzyl Krest jáne Qyzyl Jarty aı qoǵamy halyqaralyq federatsııasynyń málimetteri keltirilgen.
Onda palestınalyq otbasylardyń shekteýli keńestikte, eshqandaı erkindik joq, qarapaıym qyzmetterge qol jetkize almaı ómir súrip jatqany aıtylǵan.
BAPOR men seriktes uıymdar qonys aýdarýǵa májbúr bolǵandarǵa kómek kórsetip jatyr.
AQSh prezıdenti Donald Tramp 9 qazan kúni Mysyrda júrip jatqan kelissózder barysynda Izraıl men palestınalyq HAMAS qozǵalysy Gazada atysty toqtatý týraly jospardyń birinshi kezeńin keliskenin málimdedi.
Mysyrda qol qoıylǵan kelisim 10 qazanda, Izraıl úkimeti maquldaǵan soń kúshine endi. Gazanyń Densaýlyq saqtaý mınıstrliginiń sońǵy málimetteri boıynsha, 2023 jyldyń qazanynan bastap, Izraıl soqqylarynyń saldarynan 69 myń 185 palestınalyq mert bolǵan, 170myń 698-i jaraqat alǵan.
Osyǵan deıin AQSh-tyń Izraıldiń Gazamen shekarasynda áskerı baza salý josparyn qarastyryp jatqany týraly jazdyq.