BUU Izraıldiń «Azattyq flotılııasyn» basyp alý áreketin zańsyz dep tanydy
ASTANA. Qyrkúıektiń 23-i. QazAqparat - BUU sarapshylary ızraıldik arnaýly jasaqtardyń «Azattyq flotılııasyn» basyp alǵan kezindegi áreketterin halyqaralyq quqyq pen adam quqyqtaryn buzýshy áreket dep tanydy. Bul týraly «RIA «Novostı» agenttigi habarlady.
Osy oqıǵany tekserýmen aınalysqan BUU janyndaǵy Adam quqyqtary jónindegi keńestiń arnaıy komıssııasynyń 56 betti baıandamasy atap kórsetilgendeı, Izraıldiń Gaza Sektoryndaǵy teńiz blokadasy, onda oryn alǵan gýmanıtarlyq daǵdarysqa baılanysty, zańsyz. Sarapshylar «flotılııa» shabýylyna qatysýshylardy qasaqana adam óltirdi jáne azaptady, sondaı-aq adamdardyń ómir súrýge, óz erikterin bildirý bostandyǵyna degen quqyqtaryn buzdy degen kúdik aıtýda.
Al evreı memleketiniń syrtqy saıası vedomstvosy da óz kezeginde málimdeme jasap, Adam quqyqtary jónindegi keńestiń bul iske degen kózaqarasy «o bastan teris, saıasattandyrylǵan jáne ekstremıstik baǵytta» ekenin aıtýda.
Izraıl qorshaýǵa alǵan Gaza Sektoryna bara jatqan kemelerdiń gýmanıtarlyq kerýeni - «Azattyq flotılııasyn» mamyr aıynyń sońynda Izraıl arnaıy jasaqtary basyp alǵan bolatyn. Osy oqıǵanyń saldarynan Túrkııanyń toǵyz azamaty qaza tapty.
