BUU Irannyń ıadrolyq qarýsyzdanýǵa qatysty qararyn qabyldady
Senbi kúni BUU-nyń birinshi komıteti Irannyń jahandyq ıadrolyq qarýsyzdaný jónindegi qararyn qoldap, daýys berdi. Qarardy 112 delegat qoldasa, 44-i qarsy boldy, 15 memleket daýys berýden qalys qaldy.
Qararda ıadrolyq qarýmen qarýlanǵan barlyq elderdi ıAdrolyq qarýdy taratpaý týraly shartqa sáıkes óz arsenaldaryn joıýǵa shaqyratyn úndeý jarııalanǵan. Sondaı-aq atalǵan elder jańa ıadrolyq qarý óndirisin toqtatyp, olardy ózge memleketterge eksporttaýyn nemese ózge terrıtorııalarda ornalastyrýyn toqtatýy tıis.
IRNA agenttiginiń habarlaýynsha, qujatqa qarsy daýys bergender arasynda AQSh, Izraıl, Ulybrıtanııa, Reseı jáne Frantsııa bar.
Atap ótilgendeı, Tegeran ázirlegen qarar 1995, 2000 jáne 2010 jyldary ótken ıAdrolyq qarýdy taratpaý týraly sharttyń is-áreketin qarastyrý boıynsha ratıfıkatsııalanǵan konferentsııalarǵa negizdelgen.
