BUU Irandaǵy azamattyq ınfraqurylym nysandaryna jasalǵan shabýyldardy aıyptady
ASTANA. KAZINFORM — Birikken Ulttar Uıymy azamattyq ınfraqurylym nysandaryna jasalǵan kez kelgen shabýyldy aıyptaıdy, dep jazady IRNA agenttigi.
UU Bas hatshysy resmı ókiliniń orynbasary Farhan Hak mundaı áreketter halyqaralyq gýmanıtarlyq quqyqty buzý retinde baǵalanýy múmkin ekenin aıtty.
AQSh-tyń Irandaǵy kópirler men aýrýhanalardy qosa alǵanda azamattyq nysandarǵa shabýyly týraly suraqqa jaýap bergen Hak uıymnyń ustanymyn taǵy da rastady.
— Biz azamattyq ınfraqurylymǵa jasalǵan shabýyldardy aıyptaımyz. Mundaı shabýyldar halyqaralyq gýmanıtarlyq quqyqty buzý retinde qarastyrylýy múmkin, — dedi ol.
Aıta keteıik, 17 shilde kúni AQSh áskeri Iran aýmaǵyndaǵy nysandarǵa baǵyttalǵan kezekti aýqymdy áýe soqqylaryn aıaqtady.
