BUU: Irakta shamamen 2200 adam tyrysqaq indetine ushyrady
ASTANA. QazAqparat - Irakta shamamen 2200 adam tyrysqaq dertin juqtyrdy, dep habarlady BUU bas hatshysynyń resmı ókili Stefan Dıýjarrık.
"BUU balalar qory Irakta tyrysqaq aýrýynan qutqarý boıynsha sharalar qabyldap jatqanyn habarlady. Elde atalǵan dertti 2200-den astam adam juqtyryp úlgerdi. Sońǵy málimetterge qaraǵanda, shamamen onyń 20%-y - balalar. Agenttik sońǵy kúnderdegi jaýyn-shashyn men qaýipsizdiktiń joqtyǵynan týyndaǵan problemalar saldarynan indet taǵy taraıdy dep alańdap otyr", - dedi ol.
Aýrýdy juqtyrǵandardyń sany birtindep artyp keledi. 20 qazandaǵy jaǵdaı boıynsha olardyń sany 1800 adamdy qurady. Kesel oshaǵy Baǵdad pen Babıl provıntsııasynda ornalasqan. Kúnniń ystyǵy men ırak halqynyń las sýdy paıdalanýdyń saldarynan dert tez órship otyr.
2007 jyly da Irak tyrysqaq aýrýynan zardap shekken. Ol kezde tórt myńnan astam adam dertti juqtyrǵan. Olardyń 24-i ajal qushty. 2012 jyly tyrysqaq aýrýy Kırkýk qalasynda tarady - shamamen 300 turǵyn osy indetke tap boldy, abyroı bolǵanda adam ólimi tirkelgen joq.
