BUU Irakta saılaýdy aqpannyń 27-sinde ótkizýdi usynýda
ASTANA. Jeltoqsannyń 3-i. QazAqparat - BUU Irak ókimetin jalpyhalyqtyń saılaý ótetin naqty kúndi belgileýge shaqyrdy jáne saılaýdy 2010 jyly aqpannyń 27-sinde ótkizý týraly óz usynysyn jasady.
QazAqparat bul týraly «Azattyq» radıosyna silteme jasap habarlaıdy.
BUU málimdemesinde, Iraktaǵy saıası ahýaldy turaqtandyrý úshin saılaý ótkizýdiń qajettiligi atap kórsetiledi. Degenmen, el Konstıtýtsııasyna sáıkes daýys berý qańtar aıynda ótýi kerek bolatyn, biraq saılaý zańnamasyna qatysty kelispeýshilikterge baılanysty saılaýdyń óz merziminde ótýi ekitalaı bolyp otyr.
Saılaý ótetin kúnniń aýystyrylýy keler jyldyń tamyz aıyna qaraı barlyq jaýyngerlerlik bólimshelerin Iraktan shyǵara bastaý týraly AQSh-tyń josparyna kedergi keltirýi múmkin, deıdi sarapshylar.
