BUU: Irakta 1 aı ishinde myńnan asa adam qaza tapty

ASTANA. QazAqparat - Irakta maýsym aıynda eń az degende, 1075 adam, negizinen azamattyq tulǵalar qaza tapty, dep habarlady Bı-bı-sı BUU málimetterine silteme jasap.

Quqyq qorǵaý uıymdaryndaǵy monıtorıng tobynyń derekterine súıensek, 5-22 maýsym aralyǵynda Nınevııa, Dııala jáne Salah-Ed-Dın provıntsııalarynda 757 beıbit turǵyn qaza tapqan.

Taǵy 318 adam Baǵdadta, Iraktyń ońtústiginde kóz jumdy.

BUU ókili Rýpert Kolvlıdiń aıtýynsha, bul eń kem kórsetkish retinde qaralýda.

Ol qaza tapqandardyń jalpy sanyna sottan tys atystar men beıbit turǵyndarǵa shabýyldaý jaǵdaılarymen rastalǵandar, sondaı-aq polıtseıler, sarbazdarmen soǵysýdy toqtatqandar kiretinin aıtty.