BUU ınspektorlary Irandaǵy ýran baıytýǵa arnalǵan zaýytta boldy
ASTANA. Qazannyń 26-sy. QazAqparat - Quramyna tórt adam kirgen BUU ınspektorlarynyń toby qazannyń 25-inde Irannyń Qum qalasynyń mańyndaǵy ýrandy baıytý jónindegi jerasty zaýytyna alǵashqy tanysý saparyn jasady.
Bul týraly VVS radıokompanııasy habarlady.
Qonaqúıge qaıtqan soń da, ınspektorlar qandaı da bir kommentarıı berýge asyqpaǵan.
Dúısenbi nemese seısenbi kúni BUU ınspektorlary atalǵan nysanda taǵy bir bolýy múmkin. Bul zaýyt týraly Tegran aǵymdaǵy jyly qyrkúıektiń 21-inde jarııa etken bolatyn. Zaýyt 1980-1988 jyldary ıran-ırak soǵysy kezinde aýyr zardap shekken Irannyń Fordo atty eldi-mekeniniń atymen atalady.
