BUU Hatshylyǵy qashyqtyqtan jumys isteý rejımine kóshti
«Týrısterge arnalǵan barlyq ekskýrsııalar toqtatyldy, ǵımaratqa dezınfektsııalyq suıyqtyqtary bar qondyrǵylar ornatyldy. Infektsııanyń taralý qaýpin azaıtý boıynsha barlyq sharalar qabyldanýda. BUU bas hatshysy Antonıý Gýterrısh búgin BUU shtab-páterinde 16 naýryzdan bastap sáýir aıynyń sońyna deıin barlyq saıd-ıventterdi (ilespe is-sharalardy) alyp tastady. Hatshylyqtyń qyzmetkerleri aptasyna úsh kúnge deıin (aýrýǵa joǵary qaýpi bar adamdarǵa -5 kúnge deıin) qashyqtyqtan jumys isteý rejımine kóshti. BUU uıymdarynyń kóptegen resmı otyrysy qysqartylǵan rejımge kóshedi nemese qashyqtyqtan ótedi»,-dep jazdy Ánýar Jaınaqov.
Sondaı-aq ol jaqyn arada ótýi tıis barlyq aýqymdy sharalardyń toqtatylatynyn nemese keıinge qaldyrylatynyn aıtady. Onyń ishinde Naýryz merekesi, BUU Jastar forýmy, EKOSOS seriktester forýmy jáne t.b. bar.
Ulybrıtanııa, Danııa, Kanada, Shveıtsarııa, Jańa Zelandııa, Irlandııa, Brazılııa, Fıdjı, Malta, Norvegııa, Paragvaı, Slovakııa, Aýstralııa, Kırıbatı jáne basqa da elderdiń BUU janyndaǵy turaqty ókildikteri ózderiniń ofısterin jaýyp, tolyǵymen qashyqtyqtan jumys isteý rejımine ótti.
«Ásirese áriptesteriniń, BUU-da jumys isteıtin sheteldik dıplomattardyń biriniń koronavırýs ınfektsııasyn juqtyrǵany týraly habardan keıin jaǵdaı erekshe alańdaýshylyq týdyrǵan»,-dep jazdy.
