BUU Halyqaralyq soty Ońtústik Afrıkanyń Izraılge qarsy talaby boıynsha tyńdaý ótkizedi

Búgin Halyqaralyq qylmystyq sotta Izraıldiń áreketterin Palestına halqyna genotsıd dep taný týraly Ońtústik Afrıka Respýblıkasynyń Izraılge qarsy shaǵymyn qaraý bastalady, dep habarlaıdy Kazinform agenttigi.

11-12 qańtarda BUU-nyń Gaagadaǵy Halyqaralyq sotynda Ońtústik Afrıka Respýblıkasynyń shaǵymy boıynsha tyńdaýlar ótedi. Bul týraly sot qujatynda aıtylǵan.

Jeltoqsan aıynyń sońynda OAR Gaza sektoryndaǵy jaǵdaıǵa baılanysty Gaagadaǵy Halyqaralyq sotqa genotsıd konventsııasy boıynsha Izraılge qarsy qýynym berip, sotty Izraılge qarsy ýaqytsha sharalar qabyldaýǵa shaqyrdy.

Izraıl OAR aıyptaýlaryn joqqa shyǵaryp, onyń talaptarynda naqty jáne zańdy negiz joq dep málimdedi.

Eske sala ketsek, qarasha aıynyń basynda OAR úkimeti Izraıl armııasynyń Gaza sektorynda jalǵasyp jatqan áskerı operatsııasyna baılanysty keńes júrgizý úshin Izraılden dıplomattaryn shaqyryp alý týraly sheshimin jarııalaǵan.

Qarashada Izraıl SІM ókili Lıor Haııat Izraıldiń OAR-daǵy Elshisin keńesý úshin keri shaqyryp alǵanyn habarlady.