BUU: Gazada sońǵy eki kúnde azyq-túlik alýǵa tyrysqan 100-den astam adam qaza tapty

ASTANA. KAZINFORM – Birikken Ulttar Uıymynyń aqparatynsha, (BUU) Gazada sońǵy eki kúnde Izraıldiń «áskerı» kómek taratý pýnktterinen azyq-túlik alýǵa tyrysqanda 100-den astam adamnyń qaza tapqanyn jáne júzdegen adamnyń jaraqat alǵan, dep habarlaıdy Anadoly aqparat agenttigi.

BUU Bas hatshysynyń baspasóz hatshysynyń orynbasary Farhan Hak kúndelikti baspasóz máslıhatynda Gazadaǵy oqıǵalar týraly habarlady. 

Hak azyq-túlik alý úshin eshkimniń ómirin qaterge tigýge bolmaıtynyn aıtyp, beıbit turǵyndardyń kez kelgen jaǵdaıda qorǵalýy kerektigin atap ótti.

Ol jetkilikti kómektiń halyqqa erkin bólinýin qamtamasyz etý qajettigine nazar aýdartyp, birneshe aıǵa sozylǵan tapshylyq daǵdarysty odan ári ýshyqtyra túskenin eskertti. 

Onyń aıtýynsha, bul Gazaǵa kómek jetkizýdegi kedergilerdi joıýdy jáne gýmanıtarlyq qyzmetkerlerdiń óz jumystaryn tez ári qaýipsiz oryndaýyn qamtamasyz etýdi talap etedi.
Haktyń habarlaýynsha, Gazada sońǵy eki kúnde Izraıldiń «áskerı» kómek taratý pýnktterinen azyq-túlik alýǵa árekettengen 100-den astam adamnyń qaza tapqan jáne júzdegen adam jaraqat alǵan.

Buǵan deıin HAMAS Gazadaǵy gýmanıtarlyq blokada alynbaıynsha kelissózderge qatysýdan bas tartqanyn jazǵan bolatynbyz.

Frantsııa Gaza sektorynan bosqyndardy qabyldaý baǵdarlamasyn ýaqytsha toqtatty. 

Al Germanııa Gaza sektoryna áýeden gýmanıtarlyq kómek tastaı bastady.