BUU: Gazada mert bolǵan palestınalyqtar sany resmı kórsetkishten 10 ese kóp

ASTANA. KAZINFORM – Izraıl áreketteriniń saldarynan Gazada mert bolǵandar sany resmı kórsetkishten 10 ese kóp, ıaǵnı resmı kórsetkish 65 myń, shyndyǵynda ólgender sany keminde 680 myń adam bolýy múmkin. Armenpress-tiń habarlaýynsha, bul týraly BUU-nyń okkýpatsııalanǵan palestınalyq aýmaqtaǵy Adam quqyqtary jónindegi arnaıy baıandamashysy málimdegen.

- 65 myń degen mert bolǵan Palestına turǵyndary jáne olardyń 75 paıyzy áıelder men balalar. Shyndyǵynda bizge 680 myń degen tsıfr týraly oılaný kerek. Sebebi keıbir ǵalymdar men zertteýshiler Gazada qurban bolǵandar sany týraly naqty aqparat osyndaı dep otyr,-dedi ol Jenevada jýrnalıstermen bolǵan brıfıngte.

Albaneze eger tergeýdi júrgizýshiler men ózge de tulǵalarǵa okkýpatsııalanǵan Palestına aýmaǵyna kirýge tyıym salynsa, bul kórsetkishterdi joqqa shyǵaryp nemese rastaý qıyn bolatynyn aıtty.

- Eger bul kórsetkish rastalatyn bolsa, onda mert bolǵandardyń 380 myńy 5 jasqa deıingi balalar, - dep qosty ol.

Osyǵan deıin Izraıldiń qarqyndy soqqylarynan keıin Gazadan 300 myńnan asa turǵyn ketkeni týraly jazdyq.

Al keshe TsAHAL Gazany basyp alý úshin shabýylǵa shyqty.