BUU: Gazada gýmanıtarlyq kómekke umtylǵan 800-ge jýyq adam qaza tapty

ASTANA. KAZINFORM —  Gaza sektorynda gýmanıtarlyq kómekke qol jetkizbek bolǵan kezde shamamen 800 adam qaza tapty, dep habarlaıdy Sınhýa agenttigi, BUU Adam quqyqtary jónindegi Joǵarǵy komıssary basqarmasyna silteme jasap.

Jenevada ótken baspasóz brıfınginde ÝVKPCh resmı ókili Ravına Shamdasanı málimdegendeı, 7 shildedegi jaǵdaı boıynsha basqarma kómek taratý oryndarynda 798 adamnyń qaza tapqanyn tirkegen.

— Olardyń 615-i — Gaza gýmanıtarlyq kómegi qorynyń nysandary mańynda, al 183-i — gýmanıtarlyq kómek avtokolonnalary júretin baǵyttarda kóz jumǵan bolýy múmkin, — dedi Shamdasanı.

Onyń aıtýynsha, qurbandardyń basym bóligi oq jaraqatynan qaza tapqan. «Bul — múlde qolaısyz jaǵdaı. Alaıda ol áli de jalǵasyp otyr» — dep qosty ol.

Buǵan deıin Dúnıejúzilik densaýlyq saqtaý uıymynyń (DDU) basshysy Gazadaǵy jaǵdaıǵa alańdap, janarmaı, azyq-túlik pen dári-dármektiń barlyq múmkin joldar arqyly kirýine dereý jáne kedergisiz ruqsat berýge shaqyrǵan bolatyn.

BUU Gazada 50 myń júkti jáne bala emizetin áıel birneshe kúnnen beri ash otyrǵanyn aıtyp, dabyl qaqqan edi.