BUU: Gazada azyq-túlik daǵdarysy shegine jetti

Gaza sektoryndaǵy gýmanıtarlyq daǵdarys ýshyǵyp barady, munda shamamen 2 mıllıon adam eshbir kúnkóris kózi bolmaı ómir súrip jatyr. Bul týraly TASS habarlady. 

— Gaza sektoryndaǵy gýmanıtarlyq daǵdarys ýshyǵyp barady. Shamamen 2 mıllıon adam, olardyń basym bóligi qonys aýdarǵandar, qazirgi ýaqytta tabys kózinsiz ómir súrip jatyr jáne azyq-túlik qajettiligin óteýde tolyqtaı gýmanıtarlyq kómekti qajet etedi, — delingen uıym kommıýnıkesinde, ony palestınalyq WAFA aqparat agenttigi keltirgen. 

Dúnıejúzilik azyq-túlik baǵdarlamasy «azyq-túlik qorlarynyń kúrt azaıýy men ómir súrýge qajetti negizgi resýrstardyń ótkir tapshylyǵyna» alańdaýshylyq bildirdi.

BUU júıesindegi Dúnıejúzilik azyq-túlik baǵdarlamasy málimetinshe kommıýnıkede «ahýaldyń kúrdelene túsýine Izraıldiń shekara ótkelderin jabýyn jalǵastyrýy sebep bolyp otyrǵany» aıtylǵan, bul qorshaýdaǵy Gaza sektoryna ómirlik mańyzdy azyq-túlikti jetkizýge kedergi keltirip otyr. Uıymnyń aıtýynsha, anklav «úzdiksiz ári turaqty azyq-túlik aǵynyna muqtaj». Túrli málimetterge sáıkes, Gazada qaqtyǵys bastalǵanǵa deıin 2–2,5 mıllıon adam bolǵan.

18 naýryz kúni Izraıl armııasy Gaza sektoryndaǵy áskerı áreketterdi qaıta bastady. Anklavqa jappaı soqqylar jasap, qańtarda ornatylǵan atysty toqtatý rejımin buzdy. Izraıl premer-mınıstri Bınıamın Netanıahýdyń keńsesi bul áreketti radıkaldy palestınalyq HAMAS qozǵalysynyń AQSh prezıdentiniń arnaıy ókili Stıven Ýıtkoff pen deldaldardyń usynystaryn qabyldaýdan bas tartýymen túsindirdi. Maqsat barlyq tutqyndy bosatý. Al HAMAS jaýapkershilikti Izraıl men AQSh-qa júktedi.

Aıta ketelik anklavta eki kún ishinde 90-nan astam adam qaza tapty.