BUU: Gaza sektory bes jyldan keıin tutastaı qańyrap qalýy múmkin

ASTANA. QazAqparat - BUU jańa baıandamasyna sáıkes, eger qazirgiden jaǵdaı jaqsarmaıtyn bolsa, Gaza sektory taıaý bes jyl ishinde elsiz dalaǵa aınalýy múmkin, dep jazady Bı-bı-sı.

Gazaǵa qarsy úsh soǵys operatsııasy men Izraıldiń qorshap alýy saldarynan sońǵy jyldary kóptegen áleýmettik-ekonomıkalyq kórsetkishter shamamen 50 jyl buryn Izraıldiń óńirdi basyp alǵanǵa deıingi kórsetkishterinen tómendep ketken.

BUU Saýda jáne damý konferentsııasynda jarııalanǵan qujatta Gaza sektorynyń kóptegen turǵyndary azyq-túlik, aýyzsý, elektrdiń jetispeýshiliginen zardap shegip otyrǵany, sonymen qatar óndiris kólemi óte tómen, al jumyssyzdyq deńgeıi joǵary ekendigi aıtylǵan.

BUU óńirge halyqaralyq kómek qajet, alaıda bul shara qıyndyqty tek ýaqytsha ǵana sheshedi dep sanaıdy.