BUU: Gaza sektoryndaǵy ǵımarattardyń 90 paıyzdan astamy qıraǵan
ASTANA. KAZINFORM – BUU-nyń Halyqaralyq kóshi-qon uıymy (HKU) Izraıldiń qarqyndy shabýyldarynan Gaza sektoryndaǵy ǵımarattardyń 90 paıyzdan astamynyń qıraǵanyn habarlady. Uıym Gazadaǵy jaǵdaı týraly X áleýmettik jelide habarlama jarııalady, dep jazady Anadoly.
– Kóptegen otbasy qaýipsiz jer bolmaǵandyqtan ashyq qıraǵan jerlerdi panalap otyr. HKU baspana máselesinde kómek kórsetýge daıyn, sondyqtan shuǵyl túrde Gazaǵa jol ashylýy kerek, – dep jazady uıym.
Izraıl armııasy 19 qańtarda kúshine engen atysty toqtatý kelisimi aıaqtalǵannan keıin 18 naýryz kúni tańerteń Gaza sektoryna shabýyldaryn qaıta jandandyrdy.
Sodan beri 1890 palestınalyq qaza tapqan, kóbi qarttar, áıelder men balalar, 4950 adam jaralanǵan.
Aıta keteıik, 2023 jyldyń 7 qazanynan beri Izraıldiń Gaza sektoryna jasaǵan shabýyldarynda qaza tapqan palestınalyqtardyń sany 51 266-ǵa, jaralanǵandar sany 116 991-ge jetti.