BUU Gaza sektoryndaǵy asharshylyqty alǵash ret resmı túrde rastady
ASTANA. KAZINFORM – BUU-nyń Azyq-túlik jáne aýyl sharýashylyǵy uıymy (FAO), ıÝNISEF, Dúnıejúzilik azyq-túlik baǵdarlamasy jáne Dúnıejúzilik densaýlyq saqtaý uıymynyń birlesken baıandamasynda Gaza sektoryndaǵy apatty asharshylyq jaıly alǵash ret resmı málimdeme jasaldy, dep habarlaıdy Kazinform.
Biriktirilgen azyq-túlik qaýipsizdigi fazasynyń klassıfıkatsııasy (IPC) jarııalaǵan jańa esep Gazadaǵy jarty mıllıonnan astam adamnyń asharshylyqpen betpe-bet kelgenin aıtady. Jut aldaǵy aptalarda soltústiktegi Gaza gýbernatorlyǵynan Deır ál-Balah pen Han ıÝnıske jetýi múmkin.
Asharshylyq úsh deńgeıli shekke jetken: azyq-túlik tapshylyǵy, jetkiliksiz tamaqtaný jáne álsizdikten bolatyn ólim.
Aldyn ala boljam boıynsha qyrkúıek aıynyń sońyna qaraı Gazadaǵy 640 myńnan astam adam azyq-túlik tapshylyǵynyń apatty deńgeıine tap bolady (5-kezeń). Taǵy 1,14 mıllıon adam tótenshe jaǵdaıda (4-kezeń) jáne 396 myń adam daǵdarysta bolady (3-kezeń).
Shilde aıynda ǵana balalar arasynda ashtyqtyń 12 myńnan astam jaǵdaıy anyqtaldy. Bul rekordtyq eń joǵary kórsetkish jáne jyl basynan beri 6 ese ósken. Ol azyq-túliktiń jetispeýshiliginen balalardyń tórtten bir bóligi zardap shegedi degen sóz.
Atalǵan málimdemege túsinik bergen BUU Bas hatshysy Antonıý Gýterrısh Gazadaǵy asharshylyqty «adam qolymen jasalǵan apat, moraldyq úkim jáne adamzatqa tóngen qater» dep atady.
– Asharshylyq jaı ǵana azyq-túlik tapshylyǵy emes, bul adamnyń ómir súrýine qajetti júıelerdiń qasaqana kúıreýi. Adamdar ashtyqqa ushyrap, qyrylýda. Balalar ólip jatyr. Al áreket etý kerek adamdar beıqam otyr, - dedi BUU basshysy.
Ol Izraıldiń basqynshy derjava retinde halyqaralyq quqyq boıynsha naqty mindettemeleri bar ekenin, sonyń ishinde halyqty azyq-túlik pen dári-dármekpen qamtamasyz etý mindetin de qaıtalady.
Bas hatshynyń gýmanıtarlyq máseleler jónindegi orynbasary jáne BUU-nyń Tótenshe kómek kórsetý jónindegi úılestirýshisi Tom Fletcher «bul asharshylyq eń aldymen osal toptaǵy adamdarǵa tıedi» dedi.
– Ár nárseniń óz ataýy, tarıhy bar. Ashtyq adamnyń ómirin qımas buryn, onyń qadir-qasıetin joıady. Bul adamdardy azyq-túlik izdep óz ómirlerin qaterge tigýge májbúr etedi, - dedi ol.
Fletcher barlyq shekaralyq ótkeldi tez arada ashýǵa jáne BUU-ny anklavqa azyq-túlik pen basqa da zattardy kedergisiz jáne qajetti mólsherde jetkizýge shaqyrdy.
Birikken Ulttar Uıymynyń Adam quqyqtary jónindegi Joǵarǵy komıssary Folker Tıýrk te Gazada asharshylyq jarııalanýyna qatysty pikir bildirdi. Onyń aıtýynsha, daǵdarys «Izraıl úkimetiniń is-áreketteriniń tikeleı nátıjesi», ol «gýmanıtarlyq kómek pen beıbit turǵyndardyń ómir súrýine qajetti basqa da taýarlardyń kirýi men taralýyn zańsyz shektegen».
– Soǵys ádisi retinde ashtyqty paıdalaný qylmys sanalady jáne onyń saldarynan bolǵan ólim de qasaqana kisi óltirý qylmysyn quraýy múmkin, - dedi Tıýrk málimdemesinde.
Azyq-túlik jáne aýyl sharýashylyǵy uıymy (FAO), Birikken Ulttar Uıymynyń Balalar Qory (ıÝNISEF), Dúnıejúzilik Azyq-túlik baǵdarlamasy (WFP) jáne Dúnıejúzilik densaýlyq saqtaý uıymy (DDSU) birlesken málimdeme jasap, shuǵyl jáne jappaı gýmanıtarlyq áreket etý qajettigin eske saldy.
Buǵan deıin Izraıl bıligi HAMAS kapıtýlıatsııadan bas tartsa, Gaza qalasyn joıyp jiberemiz dep qorqytty.