BUU: Gaza sektorynan 2500 balany shuǵyl evakýatsııalaý qajet
ASTANA. KAZINFORM – Birikken Ulttar Uıymynyń (BUU) Bas hatshysy Antonıý Gýterrısh Gaza sektorynan 2500 balany shuǵyl evakýatsııalaý kerektigin aıtty. Bul týraly Anadoly jazdy.
Gýterrısh Gazada jumys isteıtin tórt amerıkalyq dárigermen kezdeskennen keıin áleýmettik jelidegi X paraqshasynda habarlama jarııalaǵan.
Onyń aıtýynsha, Gazada jumys isteıtin dárigerlermen kezdesý oǵan úlken áser qaldyrǵan. Gýterrısh dárigerlerdiń janqııarlyǵy maqtaýǵa turarlyq ekenin atap ótti.
– 2500 bala Gazadan shuǵyl evakýatsııalanýy kerek jáne emdeý aıaqtalǵannan keıin olardyń otbasylaryna qaıtarylýyn qamtamasyz etý kerek, – dep jazǵan Gýterrısh.
Aıta keteıik, Izraıl palestınalyqtardyń Gaza sektorynyń soltústigine jappaı oralýyna ruqsat berdi.
Gaza sektoryndaǵy úılerdiń 92% qıraǵan. Olardy qaıta qalpyna keltirýge birneshe jyl qajet.
Qutqarýshylar atys toqtaǵannan beri Gaza sektoryndaǵy úıindi astynan 162 adamnyń máıitin shyǵardy.
Azyq-túlik qaýipsizdigi jónindegi Islam uıymy Qazaqstanmen birlesip Gaza sektoryna kómek jiberdi.
DDSU Gaza sektoryna medıtsınalyq qoldaýdy kúsheıtýge daıyn ekenin málimdedi.
Gýmanıtarlyq kómek tıegen 900 júk kóligi Gazaǵa jetti.