BUU Gaıtıge 10 mıllıon dollar bóledi
ASTANA. Qańtardyń 14-i. QazAqparat - Seısenbi kúni Gaıtıde oryn alǵan zilzalanyń qurbandarynyń sany 50 myń adamdy quraýy múmkin,
dep habarlaıdy Reıter agenttigi el Prezıdenti Rene Prevalǵa silteme jasap.
Buǵan deıin Gaıtı premer-mınıstri Jan-Maks Belrıv, qaza bolǵandardyń sany 100 myńnan asýy múmkin ekenin paıymdaǵan edi.
Gaıtı Prezıdenti sondaı-aq apat saldarynan BUU-nyń osy eldegi mıssııasynyń basshysy Hedı Annabıdiń qaza tapqany týraly aqparatty rastady.
Biraq ta, Birikken Ulttar Uıymy Gaıtıdegi mıssııa basshysynyń qazasyn ázirge qýattaǵan joq. Biraq ta BUU ondaǵy 14 qyzmetkeriniń qaza tapqanyn, taǵy 56 qyzmetkeriniń jaralanǵanyn rastap otyr. BUU sondaı-aq búkil el boıynsha 150-ge jýyq qyzmetkeriniń habarsyz ketkenin habarlaýda, aralda baılanys júıesiniń buzylýy saldarynan olar týraly málimet túspeı otyr.
Búgin BUU Bas Assambleıasy Gaıtıdegi zilzalaǵa baılanysty shuǵyl májilis ótkizip, Pan Gı Mýn eldegi ahýal týraly baıandama jasaıdy. Buǵan deıin BUU Bas hatshysy uıymnyń Gaıtıge 10 mıllıon dollar bóletinin habarlaǵan bolatyn.
Sondaı-aq AQSh, Frantsııa, Venesýela, kórshi Domınıkan Respýblıkasy, Meksıka, Ispanııa, GFR, Qytaı, Brazılııa jáne Ulybrıtanııa elderi kómek kórsetetinderi týraly málim etti. BUU hatshysy basqa memleketterdi de olardyń qataryna qosylýǵa shaqyrdy.
