BUU Gaıtı úshin 1,44 mıllıard dollar surap otyr
ASTANA. Aqpannyń 19-y. QazAqparat - Birikken Ulttar Uıymy qańtardyń 12-sinde zulmat zilzaladan zardap shekken Gaıtı Respýblıkasyna kómek úshin jınaýǵa shaqyryp otyrǵan somany rekordyq 1,44 mıllıard dollarǵa deıin kóterdi.
BUU-nyń múshe elder men jekemenshik donorlarǵa jasaǵan jańa úndeýiniń mátininde osylaı delingen, dep habarlady «Maıak» radıostansysy.
BUU buǵan deıin 575 mıllıon dollar jınaýdy suraǵan bolatyn.
Gaıtıdegi jer silkinisiniń saldarynan sońǵy málimetter boıynsha 220 myńǵa jýyq adam qaza bolyp, 3 mıllıon adam zardap shekken edi.
