BUU-ǵa Saýd Arabııasynan Qaýipsizdik Keńesine múshe bolýdan bas tartatyndyǵy jóninde resmı qujat tústi
ASTANA. 13 qarasha. QazAqparat - Osydan birshama ýaqyt buryn Qaýipsizdik Keńesine múshelikten bas tartatyndyǵy jóninde málimdegen Saýd Arabııasy BUU-ǵa bul sheshim jaıynda resmı habarlady.
«Men Bas hatshynyń Saýd Arabııasy Koroldiginen onyń Qaýipsizdik Keńesindegi ornyna qatysty hatty alǵanyn rastaı alamyn. Endi bul máselemen Saýd Arabııasy, Qaýipsizdiń Keńesi jáne BUU-ǵa múshe elder aınalysady», - delingen uıymnyń saıtynda jarııalanǵan BUU ókili Martın Nesırkıdiń málimdemesinde.
Eske sala keteıik, 9 qarasha kúni Saýd Arabııasy BUU Qaýipsizdik keńesinde turaqty múshelikti talap etken bolatyn.
Bul talapty Saýd Arabııasynyń BUU-daǵy elshisi Abdalla al-Moýlımı jasaǵan edi. Ol óz sózinde Qaýipsizdik Keńesi ókilderiniń Taıaý Shyǵystaǵy túıtkildi máselelermen kúrese almaı otyrǵandyǵyn atap ótti.
