BUU «elektrondyq úkimetke» daıarlyq boıynsha Qazaqstannyń reıtıngin kóterdi
ASTANA. Aqpannyń 16-sy. QazAqparat /Muratbek Maqulbekov/ - Qazaqstan «elektrondyq úkimetke» daıarlyq boıynsha álemde 46-shy oryndy ıelendi.
Birikken Ulttar Uıymy ázirlegen «elektrondyq úkimetke» jahandyq daıarlyq boıynsha jyl saıynǵy reıtıngige saı, Qazaqstan sońǵy jyldary álemdik reıtıngide 81-inshi orynnan 46-shy orynǵa kóterilip, ilgerileýdi úzdiksiz kórsetip keledi. Qazaqstan Reseıdi(59-ynshy oryn), Belarýsti (64-inshi oryn) jáne Ýkraınany (54-inshi oryn) artta qaldyrdy. Elde «e-úkimet» qyzmetterine zańdy jáne jeke tulǵalardyń ishinde 70 myńǵa jýyq paıdalanýshylar tirkelgen.
