BUU elderi Ekinshi dúnıejúzilik soǵys qurbandaryn eske alýǵa arnalǵan Zerde jáne bitistirý kúnderin atap ótýde
ASTANA. 9 mamyr. QazAqparat - Halyqaralyq meıramdar kúntizbesi boıynsha 8-9 mamyr kúnderi Ekinshi dúnıejúzilik soǵys qurbandaryn eske alýǵa arnalǵan Zerde jáne bitistirý kúnderi bolyp tabylady.
2004 jylǵy 22 qarashada BUU Bas Assambleıasy 8-inshi jáne 9-ynshy mamyrdy Zerde jáne bitistirý kúnderi dep jarııalady. Sondaı-aq, Uıymǵa múshe-memleketterdiń árqaısysy óz jeńis kúnin, azat etilgen kúnin jáne mereke kúnin belgileı alatynyn atap óte otyryp, barlyq múshe-elderge, BUU júıesindegi úkimettik emes uıymdarǵa jáne jeke tulǵalarǵa jyl saıyn osy eki kúnniń bireýin nemese ekeýin de Ekinshi dúnıejúzilik soǵys qurbandarynyń qurmetine atap ótýge shaqyrdy.
