BUU: Efıopııanyń batysynda sodyrlar 100-ge tarta balany urlap ketti
ASTANA. QazAqparat - Efıopııanyń batysyndaǵy eldi mekennen qarýly sodyrlar 100-ge tarta balany urlap áketti. Bul týraly jýrnalısterge dúnıejúzilik uıym bas hatshysynyń resmı ókili Stefan Dıýjarrık habarlady.
Ol BUU Balalar qory (ıÝNISEF) «Efıopııanyń batysynda 100-ge tarta balanyń urlanýyn batyl aıyptaıdy», dep atap kórsetti. Onyń aıtýynsha, eldi mekenge shabýyldy Ońtústik Sýdannan mal urlaýshylar jasaǵan syńaıly. «Qýattalmaǵan habarlar boıynsha balalardyń arasynda óltirilgenderi jáne jaralanǵandary da bar»», dedi bas hatshynyń ókili.
Dıýjarrıktiń habarlaýynsha, BUU qyzmetkerleri zardap shekken qaýymǵa kómek kórsetýge ázir, al Efıopııa úkimeti urlanǵan balalardy bosatýǵa árekettenýde. «Balalardy kez kelgen sebeppen jáne kez kelgen jaǵdaıda urlaý adam quqyǵyn buzý jáne jalpy adamgershilikke qater» bolyp sanalady, dep kórsetti ol jáne balalardy otbasylaryna «tezirek jáne sózsiz qaıtarýǵa» shaqyrdy, dep habarlady TASS.
