BUU DB-nyń Qazaqstandaǵy turaqty ókili Haolıan Shý elimizdegi mıssııasyn aıaqtady - SІM
ASTANA. Sáýirdiń 9-y. QazAqparat /Rýslan Ǵabbasov/ - Búgin QR Memlekettik hatshysy-Syrtqy ister mınıstri Qanat Saýdabaev Qazaqstandaǵy mıssııasynyń aıaqtalýyna baılanysty BUU Úılestirýshisi, BUU DB-nyń elimizdegi turaqty ókili Haolıan Shýdy qabyldady.
Bul týraly búgin Astanada ótken brıfıngte Syrtqy ister mınıstrliginiń resmı ókili Asqar Ábdirahmanov málim etti, dep habarlaıdy QazAqparat.
Memlekettik hatshy Haolıan Shý Qazaqstandaǵy qyzmetin úsh jyldaı jemisti atqarǵanyna jáne BUU men elimiz arasyndaǵy yntymaqtastyqty nyǵaıtqandyǵyna alǵysyn bildirdi,- dedi A. Ábdirahmanov.
Sonymen qatar resmı ókil búgin Elbasy Nursultan Nazarbaev Haolıan Shýdy 2-shi dárejeli «Dostyq» ordenimen marapattaý týraly Jarlyqqa qol qoıǵanyn jetkizdi.
