BUU DB-men birlese iske qosylǵan energııa tıimdi jobalardy bızneske engizý kerek - «Jasyl» ekonomıka koalıtsııacy

ASTANA. QazAqparat - Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngke «Jasyl» ekonomıkany jáne G-Global damýyn qoldaýshy koalıtsııa» ZTB atqarýshy dırektory Ashat Súleımenov málim etti.

«Búginde jasyl tehnologııalardyń shaǵyn jáne orta bıznestiń básekege qabilettiligin arttyrýǵa múmkindigi bar. Atap aıtqanda, qazirgi kezde Qazaqstanda BUU Damý baǵdarlamasy birneshe jyldan beri jumys istep keledi. Olardyń iske asyryp otyrǵan jumystary aıasynda áleýmettik nysandarda qanatqaqty jobalar júzege asyrylǵan bolatyn», - dedi ol.

Belgili bolǵandaı, osy oraıda Aqmola, Qyzylorda, Shyǵys Qazaqstan oblystarynyń birqatar mektepterinde energııada tıimdi jaryqtandyrý jobalary iske asyryldy.

«Osy jobalardy endi bızneske engizýimiz kerek. Bul turǵyda jaqynda BUU Damý baǵdarlamasynyń ókilderimen kezdesken bolatynbyz. Osyǵan oraı biz qaladan 35 shaqyrym jerde Arnasaı demoalańyn (Aqmola oblysy) qurýǵa kelistik. ıAǵnı, ol jerde barlyq jasyl tehnologııalardyń eń jaqsylary men úzdikteri qamtylady», - dedi A. Súleımenov.

Aıta keteıik, Koalıtsııaǵa 2014 jyly Jahandyq Ekologııalyq qordyń Kishi granttar baǵdarlamasy «Senim belgisin» tapsyryp, júzege asyrylǵan energııalyq turǵyda tıimdi, jasyl tehnologııalarǵa negizdelgen jobalardyń tájirıbesin taratýdy nusqady.