BUU Damý baǵdarlamasy jýrnalısterdiń arasynda ótkizilgen baıqaýdyń jeńimpazdaryn marapattady
ASTANA. 9 jeltoqsan. QazAqparat /Gúlmıra Álıakparova/ - Búgin, 9 jeltoqsan - Jemqorlyqqa qarsy kúrestiń halyqaralyq kúni.
Bul kúndi BUU Damý baǵdarlamasy jýrnalısterdiń arasynda ótkizilgen baıqaýdyń jeńimpazdaryn marapattaýmen atap ótti.
BUU Damý baǵdarlamasynyń Qazaqstandaǵy Turaqty ókiliniń kómekshisi Ekaterına Panıklovanyń aıtýynsha, «Jemqorlyqpen kúres - barshamyzdyń ortaq mindetimiz» taqyrybynda ótken baıqaýǵa eldiń 7 óńirinen jýrnalısterdiń jumystary kelip tústi.
Olardyń eńbegin Bas Prokýratýra, Ádilet mınıstrligi, Memlekettik qyzmet isteri jónindegi agenttik, Esep komıteti, Ekonomıkalyq qylmysqa jáne sybaılas jemqorlyqqa qarsy kúres agenttigi, «Nur Otan» partııasy men BUU Damý baǵdarlamasynyń ókilderi engen qazylar alqasy baǵalady.
Nátıjesinde qazaq tildi basylymdardan «Túrkistan» jáne «Alash aınasy» gazetteriniń tilshileri, orys tildi basylymdardyń arasynan «Vremıa» jáne «Megapolıs» gazetteriniń tilshileri jeńiske jetti. Jeńimpazdar aqshalaı syıaqylarmen marapattaldy.
