BUU-da «Álem. HHІ ǵasyr» Manıfesi tanystyryldy
Sessııanyń ashylýynda sóz sóılegen Qazaqstan Respýblıkasynyń BUU janyndaǵy Turaqty Ókili Qaırat Ábdirahmanov, BUU múshe memleketteriniń delegatsııalaryn Qazaqstan Respýblıkasynyń Prezıdenti Nursultan Nazarbaevtyń mańyzdy bastamalary týraly jáne ıadrolyq qarýsyzdaný men taratpaý salalaryndaǵy Qazaqstannyń ustanymy jaıly habardar etti.
Delegattar Qazaqstan Respýblıkasy Prezıdentiniń avtorlyǵymen shyqqan Manıfest - «Álem. HHІ ǵasyr» atty múldem jańa qujatpen tanystyryldy. Bul aıtýly aktide adamzat úshin taǵdyrsheshti soǵys jáne beıbitshilik máseleleri boıynsha Qazaqstannyń ustanymy týraly, sondaı-aq halyqaralyq qoǵamdastyqtyń ıadrolyq qarýdyń tolyq tyıymyna taman ilgerileýden bas tartqan jaǵdaıda ıadrolyq apokalıpsıstiń qaýpi haqynda baıandalǵan. Komıssııa basshylyǵymen qol jetkizilgen kelisim nátıjesinde, Manıfest barlyq múshe memleketterge qoljetimdi túrde BUU Hatshylyǵynyń elektrondyq júıesinde resmı qujat retinde ornalastyryldy.
Qazaqstan delegatsııasynyń baıandamasynda, sonymen birge, ıadrolyq qaýipsizdik jónindegi sammıtteriniń róli baǵalandy jáne taıaýda Vashıngtonda ótken ıAdrolyq qaýipsizdik jónindegi IV Sammıtine elimizdiń basshylyǵynyń qatysýy nátıjeleri jarııalandy, onyń ishinde ıadrolyq qarýdy taratpaý rejimin jáne ıadrolyq qaýipsizdikti nyǵaıtýǵa baǵyttalǵan birqatar elder jáne toptarmen jasasqan birlesken málimdemeler týraly aqparat berildi.
2015 j. 7 jeltoqsanda BUU Bas Assambleıasynyń 70-shi sessııasy aıasynda ıAdrolyq qarýdan azat álem qurylysy týraly jalpyǵa birdeı deklaratsııasyn qabyldaý týraly; Qazaqstanda Atom energııasy jónindegi halyqaralyq agenttiktiń (AEHA) Tómen baıytylǵan ýran bankin qurý týraly QR men AEHA arasyndaǵy kelisimge qol qoıý jaıynda; Birikken Ulttar Uıymyna múshe memleketterdiń qorǵanys bıýdjetteriniń 1% BUU Turaqty maqsattary qoryna aýdarý haqynda; sondaı-aq Jahandyq antııadrolyq qozǵalysty qurý jaıly Elbasynyń bastamalary erekshe atap ótildi, dep habarlaıdy QR SІM baspasóz qyzmeti.
Eske sala ketsek, Qarýsyzdaný jónindegi komıssııa, BUU Bas Assambleıasyna baǵynyshty konsýltatıvtik organ, onyń fýnktsııalary qarýsyzdaný salasyndaǵy túrli máseleler boıynsha usynymdardy qarastyrý jáne jasaý bolyp tabylady. Komıssııanyń kún tártibi eki negizgi tarmaqtan turady: ıadrolyq qarýsyzdaný jáne ıadrolyq qarýdy taratpaý, sondaı-aq, jaı (konventsııalyq) qarý-jaraqtar. QK jyl saıyn sáýir aıynda úsh aptaǵa jıylyp, óz jumysyn plenarlyq sessııalar men eki jumys toby arqyly júzege asyrady.
