BUU: «Boko Haram» jaýyngerleri jarty jylda 50 balany jankeshti etken
ASTANA. QazAqparat - Nıgerııalyq «Boko haram» ıslamshil tobynyń jaýyngerleri sońǵy jarty jylda 50 baladan lańkes-jankeshti shyǵarǵan, dep málimdedi BUU Bas hatshysynyń qoǵamdyq máseleler boıynsha orynbasary Stıven O'Braıen.
Onyń aıtýynsha, Afrıka qurlyǵynyń tórt memleketinde jankeshti balalar lańkestik akt jasaǵan.
O'Braıen «Boko haram» tobyn Nıgerııadaǵy adam aıtqysyz qatigezdik pen zorlyq-zombylyqtar jasady dep kinálady.
«Boko haram» toby jasaǵan áreketterdiń kesirinen 9 mıllıon adam gýmanıtarlyq kómekke muqtaj. Onyń 7 mıllıony - nıgerııalyqtar.
2,8 mıllıon adam óz úıin tastap ketýge májbúr boldy. Azyq-túlik jetkizý de qıyndaı túsip, 5,2 mıllıon adam azyq-túlik tapshylyǵynan qınalýda.
Sodyrlar baqylaýǵa alǵan Borno shtatynda 250 myń bala ashtyq kórýde. Olarǵa der kezinde kómek bermesek, árbir besinshi bala bıyl kóz jumýy múmkin, dedi O'Braıen.
BUU lańkestermen kúres bólingen qarajattyń azdyǵynan durys júrgizilmeı kele jatqanyn aıtýda.
"Boko Haram" qarýly áreketterin 2009 jyldan bastap jasap keledi. Sol ýaqyttan beri sodyrlar myńdaǵan adamdy óltirip, júzdegen adamdy urlap áketken.
2015 jylǵy naýryz aıynyń basynda «Boko haram» músheleri Ulybrtıanııa, Reseı jáne basqa da elderde tyıym salynǵan «Islam memleketi» tobyna qosyldy.
