BUU bitimgeri Malıde óz áriptesterine oq jaýdyryp, eki adam ajal qushty

ASTANA. QazAqparat - BUU bitimgeri Malıde turaqtylyqty qalyptastyrý jónindegi BUU-nyń halyqaralyq mıssııalar lagerinde (MINUSMA) óz áriptesterine oq jaýdyrdy, dep habarlaıdy RIA Novostı.

Oqıǵa 12 naýryz kúni 19.00 shamasynda Malıdiń soltústik-shyǵysyndaǵy Kıdal qalasy mańynda bolǵan, saldarynan eki adam ajal qushyp, bireýi jeńil jaraqat alǵan.

MINUSMA saıtyndaǵy málimetke súıensek, kúdikti qolǵa túsken. Lagerdiń qaýipsizdik qyzmeti kúsheıtilgen rejımde jumys istep tur. Qazirgi sátte oqıǵanyń mán-jaıy zerttelip jatyr.