BUU basshysy jahandyq jylynýǵa baılanysty álem elderine úndeý jasady

AMMAN. QazAqparat - BUU Bas hatshysy Antonıý Gýterrısh Mysyrda ótken Klımattyń ózgerýi jónindegi sammıtte álem kóshbasshylaryn adamzat jahandyq jylynýǵa qarsy birlese kúresýge shaqyrdy, dep habarlaıdy QazAqparat tilshisi AFP-ge silteme jasap.

Qyzyl teńizdegi Sharm-el-Sheıh kýrorttyq qalashyǵynda ótip jatqan sammıt klımat máseleleri, sonyń ishinde aýaǵa shyǵaryndylardy azaıtý jáne qazirdiń ózinde temperatýranyń kóterilýiniń áserinen zardap shekken damýshy elderge qarjylyq qoldaý kórsetýdi talqylaý úshin jınalǵan 120-dan astam úkimet ókilderiniń basyn qosty. «Adamzattyń tańdaýy bar: yntymaqtasý nemese joıylý», - dedi A.Gýterrısh COP27 sammıtinde.

«Bul klımattyq yntymaqtastyq paktisi nemese ujymdyq sýıtsıd paktisi», - dedi BUU Bas hatshysy álemdik qoǵamdastyqty jahandyq jylynýǵa qarsy kúreste birigýge, al ónerkásiptik jáne damýshy elderdi – klımattyq yntymaqtastyq paktisin jasasýǵa úndeı otyryp.

A.Gýterrısh álem kóshbasshylaryna arnaǵan úndeýinde klımattyń ózgerýin keıinge qaldyrýǵa bolmaıtynyn aıtty. Ol ónerkásibi damyǵan jáne damýshy elderdi «klımattyq yntymaqtastyq paktisin» ornatýǵa shaqyrdy. Bul rette ol AQSh pen Qytaıdyń erekshe jaýapkershiligine toqtaldy. Pakt boıynsha, elder aýa temperatýrasyn Parıj klımattyq kelisimine sáıkes Tselsıı boıynsha 1,5 gradýsqa joǵarylaǵan kezde shyǵaryndylardy eki ese azaıtýy kerek.

Qazirgi tendentsııalarǵa sáıkes, onjyldyqtyń sońyna qaraı kómirtekten lastaný 10 paıyz artyp, jer beti Tselsıı boıynsha 2,8 gradýsqa jylynady.

Foto:yahoo.com