BUU basshysy uıymnyń Jastar isteri jónindegi keńsesin qurýdy usyndy

NUR-SULTAN. QazAqparat - Osy aptada Birikken Ulttar Uıymynyń Nıý-Iorktegi shtab-páterinde EKOSOS Jastar forýmy ótip jatyr. Onyń delegattary damý joldary, sonyń ishinde tsıfrlyq, jumyspen qamtý, sondaı-aq jastardyń jahandyq problemalardy sheshýge aralasý máselelerin talqylaýda.

BUU Bas hatshysy Antonıý Gýterrısh forým qatysýshylaryna arnalǵan beıneúndeýinde jastardy óz elderiniń kóshbasshylaryn soǵystardy toqtatýdy, qorshaǵan ortany qorǵaýdy jáne COVID-19 pandemııasynan keıin tıisti qalpyna keltirý jumystaryn júrgizýdi talap etýge shaqyrdy.

Gýterrıshtiń pikirinshe, Ekonomıkalyq jáne áleýmettik keńestiń jastar forýmy (EKOSOS) – BUU-nyń álem jastary umtylysynyń tolyq beınesin tanytatyn negizgi alań.

Bas hatshy BUU Jastar strategııasy týraly qozǵaǵan sózinde bolashaq urpaqpen baılanysty nyǵaıtýǵa arnalǵan usynystaryn eske saldy. Olardyń arasynda qyrkúıekte ótetin bilim berý júıesin reformalaý jónindegi sammıt, sondaı-aq BUU-nyń jastar isteri jónindegi jańa keńsesin qurý týraly usynysy bar.

«Jastardyń uıym sheńberinde de, odan tys jerde de tolyq, jan-jaqty jáne tıimdi qatysýy adam quqyqtaryn ilgeriletý, klımattyq daǵdarysty eńserý jáne turaqty damý maqsattaryna qol jetkizý úshin mańyzdy», - dep atap ótti A.Gýterrısh.

Seısenbi kúni Jastar forýmynda sóz sóılegen BUU Adam quqyqtary jónindegi Joǵarǵy komıssary Mıshel Bachelet osy býynnyń ózgerister úshin kúres jolynda mańyzdy ról atqaratynyn atap ótti.