BUU basshysy Aýǵanstandaǵy Talıban ókilderine úndeý jasady

NUR-SULTAN. QazAqparat – BUU bas hatshysy Antonıý Gýterrısh Talıbandy shabýyldy tez arada toqtatyp, Aýǵanstan men onyń halqynyń múddesi úshin kelissózder bastaýǵa shaqyrdy, dep habarlaıdy QazAqparat BUU Jańalyqtar qyzmetine silteme jasap.

«Soǵysty tańdaǵan halyqaralyq qoǵamdastyqqa úndeýim mynadaı: bılikti áskerı kúshpen jaýlap alý – jeńiletin tásil. Bul uzaqqa sozylatyn azamattyq soǵysqa nemese Aýǵanstandy tolyqtaı jabyq memleketke ákelip soqtyrýy múmkin», - dedi Gýterrısh Nıý-Iorkte BUU shtab-páterinde jýrnalsıterge bergen suhbatynda.

«Aýǵanstandaǵy jaǵdaı baqylaýdan shyǵyp barady», - dep esepteıdi Bas hatshy.

BUU basshysy shıelenistiń barlyq tarapyna olardyń mindeti - beıbit turǵyndardy qorǵaý ekendigin eske saldy. Soǵys áreketteri saldarynan túrǵyndar japa shegip jatyr, dep atap ótti Bas hatshy.

Osy jyldyń basynan beri 400 myń aýǵandyq úılerin tastap ketýge májbúr boldy. Olardyń 80 paıyzy – áıelder men balalar.

Eske salsaq, «Talıban» qozǵalysynyń sodyrlary Aýǵanstannyń mańyzdy ári iri qalalaryn basyp aldy. Halyqaralyq uıymdar dabyl qaǵyp Aýǵanstanda sońǵy 72 saǵatta ondaǵan bala qaza tapqanyn jarııalady.