BUU Bas hatshysynyń orynbasary Qasym-Jomart Toqaev S.N.Rerıh medalimen jáne «Álem Týy» estelik belgisimen marapattaldy

ALMATY. 6 jeltoqsan. QazAqparat -Qazaqstannyń tanymal memlekettik qaıratkeri, BUU Bas hatshysynyń orynbasary - BUU-nyń Jenevadaǵy bóliminiń bas dırektory Qasym-Jomart Toqaev S.N.Rerıh medalimen jáne «Álem Týy» estelik belgisimen marapattaldy.

Bul týraly QazAqparat tilshisine N.K.Rerıh atyndaǵy Qazaqstandyq mádenıet ortalyǵynda habarlady.

Marapattar Jenevada Rerıhter murasyn saqtaý boıynsha komıteti jáne Máskeýdegi Rerıhter Halyqaralyq ortalyǵy delegatsııasynyń sapary barysynda tabystaldy.

Kezdesý barysynda taraptar mádenı murany saqtaý salasyndaǵy yntymaqtastyq máselelerin talqylady. Q-J.Toqaev Rerıhter Halyqaralyq ortalyǵynyń Rerıh pakty ıdeıalaryn dáripteý jáne Rerıhter murasyn saqtaýdaǵy qyzmetiniń erekshe mánin atap ótti.