BUU Bas hatshysynan surańyz
TANA. 13 qyrkúıek. QazAqparat - Búgin sizder áleýmettik jelilerde BUU Bas hatshysy Pan Gı Mýnmen tikeleı áńgimelese alasyz.
Sizde halyqaralyq problemalar boıynsha ózińizdi tolǵandyryp júrgen másele boıynsha tikeleı BUU basshysynan jaýap alý múmkindigi bar, dep habarlady UN DPI Kazakhstan.
"2011 jylǵy 13 qyrkúıekte, seısenbi kúni nıý-ıork ýaqytymen saǵat 11-den 12-ge deıin (AQSh-tyń shyǵys jaǵalaýy ýaqyty) siz Bas hatshymen tikeleı jelide Facebook, Twitter, Weibo, Livestream saıttary jáne BUU Internet-taratý arnasy arqyly habarlasa alasyz", - dep atap ótilgen habarlamada. Tilek bildirgen ár adam Pan Gı Mýnǵa Uıymǵa jáne onyń jumysyna qatysty suraqtar qoıa alady.
Áńgimege qatysqyńyz kelse, Facebook-te shara paraǵyna tirkelińiz. Siz BUU basshysyna #asktheSG-ti paıdalanyp, Twitter arqyly aǵylshyn, frantsýz, arab, qytaı, orys, ıspan, portýgal nemese sýahılı tilinde tikeleı efır arqyly aldyn ala suraq berýińizge bolady. Suhbattyń tikeleı taratylýyn Facebook, Weibo, Livestream nemese BUU Internet-taratý arnasyn paıdalaný arqyly kórińizder.
