BUU Bas hatshysy: Tegrannyń ýrandy baıytý jónindegi 10 ortalyq salý nıeti alańdaýshylyq týǵyzýda
ASTANA. Jeltoqsannyń 7-si. QazAqparat - BUU Bas hatshysy Pan Gı Mýn Iran ókimetiniń ýrandy baıytý jónindegi 10 qosymsha ortalyq salý jónindegi nıeti týraly habarǵa úlken alańdaýshylyq bildirip otyr.
«Men qalyptasqan jaǵdaıǵa, ıran ókimetiniń ýrandy baıytý jónindegi jańa ortalyq salý nıetin jarııalaý faktine qatty alańdap otyrmyn. Kelissózderdiń, ásirese Ulybrıtanııa, Germanııa, Qytaı, Reseı, AQSh, Frantsııa «altylyǵy» formatyndaǵy kelissózdiń jalǵasatynyna úmittimin», dep málim etti Pan Gı Mýn "Frans enternasonal" radıosynyń tikeleı efırinde.
BUU Bas hatshysy sondaı-aq, atalmysh kelissózderdiń Tegranǵa qatysty kezekti sanktsııalar engizýge negiz bolatynyna senim bildirdi.
Pan Gı Mýn sondaı-aq, Iran basshylyǵyn «ıran dosesine» qatysty BUU qabyldaǵan qararlardy «tolyqqandy saqtaýǵa» jáne Atom energııasy jónindegi halyqaralyq agenttikpen (MAGATE) jan-jaqty yntymaqtasa jumys isteýge shaqyrdy.
