BUU bas hatshysy Soltústik Koreıaǵa qatysty shara qabyldaýdy talap etýde
ASTANA. Mamyrdyń 25-i. QazAqparat - BUU Bas hatshysy Pan Gı Mýn, ońtústikkoreılik keme apatyna júrgizilgen tekserýdiń jarııa etilýine baılanysty Qaýipsizdik Keńesi Koreıa Halyqtyq Demokratııalyq Respýblıkasyna qatysty jedel sharalar qabyldaıdy dep úmittenýde.
«Baıandamada keltirilgen dálelder aýyr. Ol áreketke aıtylyp otyrǵan aıyptaýlarǵa men ortaqtasamyn. Ásirese, bul oqıǵanyń Soltústik Koreıanyń ıadrolyq baǵdarlamasy boıynsha altyjaqty kelissóz tyǵyryqqa tirelip otyrǵan kezde oryn alǵany qıyn. Men Qaýipsizdik Keńesin jedel konsýltatsııa bastaýǵa shaqyramyn. Qaýipsizdik Keńesi óz mandatyn oryndap, sáıkes sharalar qabyldaıtynyna senemin», - dep málim etti Pan Gı Mýn BUU shtab-páterinde ótken baspasóz máslıhatynda.
Esterińizge sala keteıik, Ońtústik Koreıa «Chhonan» kemesiniń apatyna Soltústik Koreıany kinálap otyr. Soltústikkoreılikter barlyq aıyptaýdy teriske shyǵarýda.
