BUU Bas hatshysy Sırııaǵa qarý jetkizýdi doǵarýǵa shaqyrdy
ASTANA. 24 sáýir. QazAqparat - «BUU Bas hatshysy Pan Gı Mýn sırııalyq janjalǵa jol bergen eki tarapty qarýmen qamtamasyz etip otyrǵan elderden bul áreketterin toqtatýdy talap etti.
Qarý neǵurlym kóp bolǵan saıyn kisi ólimi men ózge de shyǵyndar artady», - dedi búkilálemdik uıymnyń ókili Martın Nesırkı, dep jazady muslim.kz.
Onyń aıtýynsha, Pan Gı Mýn Arab elderi lıgasynyń bas hatshysy Nábil ál-Arabımen jáne katarlyq premer-mınıstr sheıh Hamad ben Jasem ál-Tanımen kezdesip, osy eldi daǵdarystan alyp shyǵý, ondaǵy zorlyq-zombylyqty toqtatý joldaryn jáne barlyq adamnyń quqyǵy qorǵalatyn jańa kezeńge ótýdiń saıası múmkindikterin talqylaǵan. Ál-Arabıdiń sózine qaraǵanda, bul ázirge «múmkin emes».
Sırııadaǵy bılik pen oppozıtsııa arasyndaǵy qarýly qaqtyǵysqa ulasqan janjal 2011 jyldyń naýryz aıynan beri jalǵasyp keledi. BUU málimetine qaraǵanda, osy aralyqta 70 myńdaı adam opat bolǵan, sonyń ishinde beıbit turǵyndardyń qarasy kóp. Sırııalyq bıliktiń málimdeýinshe, úkimet áskeri qapysyz daıyndalǵan ári bastan-aıaq qarýlanǵan jergilikti sodyrlarmen jáne sheteldik jaldamalylarmen urys júrgizip jatyr. Batys elderi Sırııa prezıdenti Bashar Asadtan ornynan ketýdi talap etip otyr.
