BUU Bas hatshysy Sırııadaǵy jaǵdaıǵa baılanysty málimdeme jasady

 dep habarlaıdy «Habar» agenttigi.  

Bas hatshy usynystaryn BUU-nyń Qaýipsizdik Keńesine joldaǵan bolatyn jáne Keńes ony keshe qarady. Sáýirdiń aıaǵyna deıin Keńes Sırııadaǵy baqylaýshylardyń qataryn kóbeıtý týraly qarar qabyldaýy tıis. Pan Gı Mýn Sırııa úkimetin baqylaýshylardyń jumysyna qoldaý kórsetýge shaqyrdy. Bas hatshynyń aıtýynsha, baqylaýshylarǵa árqashan jol ashyq bolýy kerek jáne olar tikushaqtardy paıdalana alatyn bolýy tıis. Sırııanyń BUU-daǵy ókili Bashar Djafarı úkimet olarǵa qoldan kelgen kómegin aıamaıdy dep ýáde etken. Bas hatshynyń qazirgi esebinde Sırııa úkimeti eldegi ahýaldy beıbit retteýge baǵyttalǵan jospar boıynsha ózine alǵan mindettemelerdi tolyq oryndamaı otyrǵany aıtylǵan. BUU-nyń Sırııa boıynsha arnaýly ókili Kofı Annan usynǵan josparda eń áýeli oq atýdy toqtatý jáne qalalardan áskerı bólimderdi shyǵaryp áketý qajettigi atap kórsetilgen. Al BUU Bas hatshysynyń málimdemesinde Sırııa úkimeti eldi mekenderden ásker men aýyr tehnıkany shyǵarmaı otyrǵany aıtylady. Pan Gı Mýn Sırııadaǵy ahýaldan beıbit adamdardyń erekshe zardap shegip otyrǵanyn taǵy da eskertti. Onyń aıtýynsha, elde turaqsyzdyq beleń alǵan sońǵy bir jylda 230 myń adam bosqynǵa aınalǵan. BUU Bas hatshysy sondaı-aq Sýdan men Ońtústik Sýdannyń arasyndaǵy shıelenisterdi beıbit retteýge shaqyrdy.