BUU Bas hatshysy resmı saparmen Túrikmenstanǵa keldi
ASTANA. Sáýirdiń 2-si. QazAqparat - BUU Bas hatshysy Pan Gı Mýn resmı saparmen Túrikmenstanǵa keldi. Pan Gı Mýnnyń Ortalyq Azııanyń birqatar elderine josparlanǵan jumys sapary Ashǵabadtan bastalyp otyr,
dep habarlaıdy Associated Press.
Sapardyń maqsaty - álemdik jurtshylyqtyń nazaryn Ortalyq Azııa problemalaryna aýdarý, sondaı-aq aımaqtaǵy adam quqyqtaryn damytýǵa qoldaý kórsetý bolyp tabylady.
BUU Bas hatshysy Pan Gı Mýn Qazaqstanǵa saparmen keletinin QazAqparat budan buryn habarlaǵan bolatyn.
BUU Damý baǵdarlamasynyń Qazaqstandaǵy turaqty ókildiginiń baspasóz qyzmetinen málim etkendeı, Bas hatshynyń Qazaqstanǵa sapary sáýirdiń 6-7-si kúnderi ótedi dep josparlanýda.
Sapar aıasynda Pan Gı Mýn Qazaqstan Prezıdenti Nursultan Nazarbaevpen kezdesedi, Semeı óńirinde bolyp, burynǵy ıadrolyq polıgonǵa at basyn tireıdi.
