BUU Bas hatshysy Parıjdegi lańkestikten keıin musylmandarǵa qysym kórsetýge jol berilmeýi tıis ekenin eskertti
ASTANA. QazAqparat - BUU-nyń Bas hatshysy Pan Gı Mýn jeksenbi kúni Parıjde ekstremıster jasaǵan lańkestik áreketterge jaýap retinde musylmandarǵa qysym kórsetýge jol berilmeýi tıis ekenin eskertti. Onyń pikirinshe, osyndaı áreketter zorlyqtyń ósýine ákelip soqtyra alady.
Bas hatshynyń keńsesi taratqan málimdemede sońǵy aptanyń ishinde álemde dinı óshpendilik sebep bolǵan birqatar shabýyldar oryn alǵany týraly atap ótiledi, dep jazady TASS.
«Parıjdegi oqıǵalardan keıin ol (Pan Gı Mýn) musylmandarǵa qarsy qýǵyn-súrginge jol berilmeýi tıis ekenin eskertedi. Osyndaı negizsiz yrym-jyrymdar lańkesterdiń múddesi men tilegine saı bolyp, sonymen birge zorlyq áreketterin kóbeıtedi», - delingen qujatta. BUU-nyń Bas hatshysy halyqaralyq qaýymdastyqty «tózimdilik pen túsinistikke yntalandyrýǵa», onymen birge elderdiń «barlyq kórinisterdegi lańkestikpen kúreske» eki ese kúsh salýǵa shaqyrdy. «Bas hatshy lańkestikke aıyp taǵyp otyrǵanyn rastaıdy. Eshbir maqsat nemese narazylyq osyndaı áreketterdi aqtap shyǵa almaıdy», - dep atap ótildi málimdemede. Pan Gı Mýn jeksenbi kúni Parıjde ótken lańkestikke qarsy, sondaı-aq Charlie Hebdo satıralyq jýrnalynyń redaktsııasy men Frantsııa astanasyndaǵy sýpermarketke jasalǵan shabýyl saldarynan qurban bolǵandardy eske alýǵa arnalǵan marshty qoldady. BUU-nyń Bas hatshysy Parıjdegi lańkestik áreketteriniń saldarynan qaza tapqandardyń otbasylaryna kóńil aıtyp, sonymen birge «marsh kadrlary men búkil álemniń sońǵy kúnderi tanytyp otyrǵan tilektestikke rıza bolyp otyrǵanyn» málimdedi. Parıjdegi sherýdiń uıymdastyrýshalarynyń baǵalaýynsha, oǵan az degende 1,5 mln. adam qatysty. Osyǵan uqsas sharalar eldiń basqa qalalarynda da ótken. Frantsııa ІІM-niń málimetterinshe, búkil el kóshelerine kem degende 3,7 mln. adam shyqqan. Esterińizge sala keteıik, Charlie Hebdo satıralyq aptalyǵynyń redaktsııasyna shabýyl ótken sársenbi, 7 qańtar kúni boldy. Sonyń saldarynan 12 adam: on tilshi men ǵımaratty kúzetken eki polıtsııa qyzmetkeri qaza taýyp, taǵy 11 adam jaraqattar aldy. 8 qańtarda Eıfel munarasynyń jaryǵy Charlie Hebdo redaktsııasyna jasalǵan shabýyl saldarynan qaza tapqandarǵa qurmet belgisi retinde alty mınýtqa sóndirildi. Frantsııa ІІM-niń málimetterinshe, shabýyl jasaǵan úsh adam bolǵan. Olardyń biri polıtsııanyń qolyna sol kúni berildi. Qalǵan ekeýi - aǵaıyndy Sherıf pen Saıd Kýashıge jalpyulttyq izdeý jarııalanyp, olar 9 qańtardaǵy shabýyldan keıin eki táýlik ótken soń Parıjden soltústikke qaraı 60 shaqyrym jerden tabylyp, ótkizilgen arnaıy is-qımyldardyń nátıjesinde óltirildi. Aǵaıyndy Kýashılerdi joıý boıynsha arnaıy is-qımyldarmen bir ýaqytta 9 qańtarda Frantsııanyń kúsh qurylymdarynyń qyzmetkerleri Parıjdiń ortasyndaǵy Vensen qaqpasynyń janynda ornalasqan azyq-túlik dúkeni ǵımaratyn shabýylmen aldy. Munda 32 jastaǵy ıslamshyl Amedı Kýlıbalı adamdardy tutqynǵa alǵan. Ol arnaıy jasaqtyń is-áreketteriniń nátıjesinde óltirildi. BFM telearnasyna ózin «Islamshyl memleket» tobynyń múshesi bolyp tabylatynyn aıtqan lańkestiń qolynan tórt adam qaza tapty.
