BUU Bas hatshysy muhıttardy qorǵaý jónininde jańa bastama kóterdi
ASTANA. 12 tamyz. QazAqparat - BUU Bas hatshysy Pan Gı Mýn búgin muhıttardy qorǵaý jóninde jańa bastama kóterdi, dep habarlady Ýtro.rý.
BUU-nyń teńiz quqyǵy boıynsha konventsııasyna qol qoıylýynyń otyz jyldyǵyna arnalǵan konferentsııanyń ashylýynda Pan Gı Mýn barlyq elder úshin mindetti Muhıttar týraly shart jasaýdy usyndy.
BUU Bas hatshysynyń pikirinshe, mundaı qujat ǵalamshardyń sý qorlaryn qorǵaý jáne balyqtardy shamadan tys aýlaýdy toqtatý, sondaı-aq jahandyq jylyný saldarynyń aldyn alý úshin qajet. Pan Gı Mýn bul qujattyń aldyn ala jobalary BUU-nyń osy jylǵy qarasha aıynda Katardyń astanasy - Dohada ótetin konferentsııasynda talqylanýy múmkin degen senimin bildirdi.
