BUU Bas hatshysy laýazymyna úmitkerler sany 10-ǵa deıin azaıdy
ASTANA. QazAqparat - Seısenbi kúni Chernogorııa SІM basshysy Igor Lýkshıch BUU Bas hatshysy laýazymyna úmitkerlikten bas tartty, osylaısha úmitkerler sany 10-ǵa azaıdy. Buǵan deıin daýys berýdiń alǵashqy raýndynda óz kandıdatýrasyna qarsy 11 daýys jınaǵan Horvatııa SІM burynǵy basshysy Vesna Pýsıch te úmitkerlikten bas tartyp edi, dep habarlady Ýtro.rý.
BUU Bas hatshysyn saılaýdyń úshinshi raýndy 29 tamyz kúni ótedi. Myqty úmitkerler qatarynda 2015 jylǵa deıin BUU bosqyndar isi boıynsha joǵarǵy komıssary bolǵan Portýgalııanyń burynǵy premeri Antonıý Gýterrısh jáne Slovenııanyń burynǵy prezıdenti Danılo Tıýrk bar.
Jańa jyldan bastap BUU basshysynyń orny bosaıdy - qazirgi Bas hatshy Pan Gı Mýn óziniń ekinshi besjyldyq merzimin aıaqtaıdy jáne 2017 jyldyń 1 qańtarynda ornyn bosatady. BUU Bas hatshysyn Qaýipsizdik keńesiniń usynysymen BUU Bas Assambleıasy taǵaıyndaıdy. Naqty kandıdat qazan aıynda anyqtalýy tıis.
Foto: © RIA Novostı. Sergeı Gýneev
