BUU Bas hatshysy Kemerovoda qaza tapqandardyń otbasylaryna kóńil aıtty
ASTANA. QazAqparat - BUU Bas hatshysy Antonıý Gýtteresh Kemerovodaǵy órtten kóz jumǵandardyń otbasylaryna kóńil aıtty. Bul týraly BUU resmı ókiliniń orynbasary Farhan Hak málimdedi, dep habarlaıdy «QazAqparat» HAA.
«Kemerovodaǵy saýda úıinde bolǵan oqıǵa Bas hatshynyń janyna qatty batty. Ol barlyq zardap shekkenderdiń tez jazylyp ketýine tileýlestigin bildirip, Reseı halqy men úkimetine, qaza bolǵandardyń otbasylaryna qaıǵyra kóńil aıtady», -delingen BUU saıtynda jarııalanǵan habarlamada.
Eske salaıyq, 25 naýryz kúni Reseıdiń Kemerovo qalasynda «Zımnıaıa vıshnıa» saýda úıinde órt shyǵyp, sońǵy derekterge sáıkes 64 adam qaza tapty.
Memleket basshysy Nursultan Nazarbaev Reseı Federatsııasynyń Prezıdenti Vladımır Pýtınge kóńil aıtý jedelhatyn joldady.
QR SІM-niń málimetinshe, órtten kóz jumǵandar arasynda qazaqstandyqtar joq.
27 naýryz kúni 13 balanyń týystary olardyń múrdelerin tanyǵandyǵy habarlandy.
