BUU Bas hatshysy: Qaýipsizdik Keńesin reformalaýdyń ýaqyty keldi

ASTANA. QazAqparat - BUU Bas hatshysy Pan Gı Mýn Qaýipsizdik Keńesin reformalaýdyń ýaqyty keldi dep sanaıdy, dep habarlady RIA Novostı.

"Qaýipsizdik Keńesin reformalaýdyń - demokratııalyq jáne saılanyp qoıý jaǵyna qaraı ózgerýdiń ýaqyty keldi", - dedi Bas hatshy brıfıngte. Ol BUU qurylǵannan bastap Keńes bir ret qana aýysqanyn aıtty

Pan Gı Mýn atap ótkendeı, birqatar elderden reformalaý boıynsha túrli usynystar tústi. Alaıda elderdiń pikiri bir jerden shyqpady.

Belgili bastamalardyń biri Frantsııa men Meksıkanyń BUU Qaýipsizdik Keńesiniń turaqty músheleriniń  veto quqyǵyn paıdalanýyn shekteý týraly usynysy. 80-ge jýyq el BUU QK  veto quqyǵyn shekteýdi qoldaıdy.

BUU QK adamzatqa qarsy jasalǵan qylmystardyń, áskerı qylmystardyń jáne genotsıd belgileri bar jaǵdaılardy qarastyrǵanda,  BUU QK turaqty músheleri «bestiginiń» (Reseı, AQSh, QHR, Frantsııa, Ulybrıtanııa) veto quqyǵyn paıdalanýy shekteledi.

BUU janyndaǵy reseılik turaqty ókil Vıtalıı Chýrkın osyǵan deıin atap ótkendeı, Máskeý Qaýipsizdik Keńesiniń qazirgi turaqty músheleriniń  quqyqtaryna qysym jasaıtyn kez kelgen ıdeıalarǵa, onyń ishindegi  veto ınstıtýtyndaǵy ózgeristerge qarsy.