BUU Bas hatshysy geosaıası jaǵdaıdyń ýshyǵyp turǵanyn málimdedi

NUR-SULTAN. QazAqparat - BUU Bas hatshysy geosaıası shıelenis osy ǵasyrdaǵy eń joǵary deńgeıge jetkendikten, eskalatsııany toqtatýǵa shaqyrdy, dep habarlaıdy QazAqparat BUU saıtyna silteme jasap.

BUU Bas hatshysy Antonıý Gýtterısh dúısenbi kúni geosaıası shıelenis eskalatsııasyn tómendetýge shaqyrdy.

«Jańa jyl abyr-sabyrdan bastaldy. Biz qaýipti kezeńde ómir súrip jatyrmyz. Tipti, ıadrolyq qarýsyzdandyrýdyń da ózinen-ózi qajettiligi bolmaı barady» deı kele, ol Irakta Kasem Sýleımanıdiń óltirilgenine toqtaldy.

Jeksenbi kúni Iran AQSh-tan kek alatynyn habarlaǵan bolatyn, sonymen qatar 2015 jyldan bergi ıadrolyq baǵdarlamaǵa qatyspaıtynyn málimdegen edi.

Sonymen qatar, Gýterrısh Soltústik Koreıanyń ıadrolyq synaqtarǵa jarııalaǵan moratırııden bas tartpaq sheshimine de alańdaýshylyq bildirdi.

Gýterrısh Nıý-Iorktegi BUU ortalyq keńsesinde jýrnalısterge kóptegen memleketter saldary boljaýǵa da kelmeıtin sheshimder qabyldap jatqanyn aıtty. Sonymen qatar, saýda jáne tehnologııalyq shıelenister de álemdik naryqqa keri áser etip, teńsizdikti ulǵaıtyp jatqanyn málimdedi.

«Eskalatsııany toqtatyńyzdar. Sabyrlyq tanytyp, dıalogqa kelińizder. Halyqaralyq kelisimdi qaıta jandandyryńyzdar. Eń kóp zardap shegetin - qarapaıym halyq. Bizdiń ortaq mindet - buǵan jol bermeý»,— dedi ol.