BUU bas hatshysy: Aýǵanstanda ótken saılaý birinshi ret bıliktiń demokratııalyq aýysýyna jasalǵan qadam boldy
ASTANA. QazAqparat - Aýǵanstanda 5 sáýir kúni ótken prezıdenttik jáne aımaqtyq saılaýlar el tarıhynda bıliktiń birinshi ret demokratııalyq túrge kóshýinde mańyzdy qadam boldy.
BUU bas hatshysy Pan Gı Mýn osyndaı pikirdi bildirdi, dep habarlady ITAR-TASS.
Jeksenbi kúni taratylǵan málimdemede ol aýǵan halqyn osy jetistikpen quttyqtap, eldiń bolashaǵy úshin óz quqyqtaryn qorǵaýǵa degen umtylystaryn joǵary baǵalady.
Aýǵanstannyń joǵary memlekettik bıligine segiz kandıdat talasty. Bul saılaýdaǵy basty úmitkerler - SІM burynǵy basshysy Zalmaı Rasýl men Abdýlla Abdýlla jáne Ashraf Ǵanı Ahmadzaı.
Táýelsiz saılaý komıssııasynyń málimetteri boıynsha, saılaýǵa 7 mıllıonǵa jýyq adam, ıaǵnı 58 paıyz daýys berýshi qatysty. Daýys berý sanyn esepteý 20 sáýirge deıin jalǵasady, aldyn ala málimetter 24 sáýir kúni jarııalanady.
